Թուրքական իշխանությունների ճնշմամբ հայկական ինքաթիռը հարկադրաբար վայրէջք է կատարել Արեւմտյան Հայաստանի Էրզրում քաղաքում, որն այժմ թուրքական տիրապետության տակ է: Այս մասին տեղեկացնում է Ria Novosti լրատվական կայքը՝ հղում կատարելով NTV հեռուստաընկերությանը:
Ըստ աղբյուրի, այժմ ինքնաթիռը զննության է ենթարկվում:
Այլ մանրամասներ չեն հաղորդվում:
13:18: Վերջին տվյալների համաձայն՝ ինքաթիռն իրականացնելիս է եղել Երեւան-Հալեպ չվերթը:
Հիշեցնենք, որ հոկտեմբերի 10-ին թուրքական իշխանությունները ստիպեցին սիրիական ինքաթիռին, որն իրականացնում էր Մոսկվա-Դամասկոս չվերթը, հարկադրաբար վայրէջք կատարել: Պատճառը կրկին զննումներն էին: Թուրքական կողմը ստուգումների ժամանակ հայտնաբերած բեռը համարեց անօրինական եւ բռնագրավեց: Ռուսաստանն ու Սիրիան հայտարարեցին, որ նման ուղեբեռի փոխադրումը միանգամայն օրինական է:
Այս միջադեպից հետո Թուրքիան փակեց իր օդային տարածքը սիրիական ինքնաթիռների համար:
