Ֆուտբոլի Հայաստանի ազգային հավաքականն այսօր՝ ՀՀ ժամանակով 22: 15-ին, Եվրոպայի առաջնության ընտրական փուլի շրջանակում ուժերը չափելու է Դանիայի ընտրանու հետ:
Մալթայի հավաքականի դեմ խաղից հետո բարդ է համոզված ասել, որ մեր տղաների մոտ Կոպենհագենում ինչ-որ բան կստացվի, սակայն մեր հույսը դեռ կա, և մենք դեռ սպասումներ ունենք նրանցից:
Չնայած այն հանգամանքին, որ Դանիայի ընտրանու հաղթելու հավանականությունն ավելի մեծ է՝ մեր ընտրանին իսկապես ի զորու է առավելության հասնել մրցակցի նկատմամբ՝ չնայած առկա խնդիրներին:
Մրցաշարային աղյուսակին նայելիս պարզ երևում է, որ Դանիայի ընտրանին այդքան էլ հաջող ելույթ չի ունեցել Եվրոպայի առաջնության որակավորման փուլի «Բ» խմբում:
Այս խմբում բոլոր թիմերը վեց հանդիպում են անցկացրել բացի Հայաստանի ու Դանիայի հավաքականներից, որոնք անցկացրել են հնգական խաղեր:
Հինգ խաղից հետո Դանիայի ընտրանին վեց միավոր ունի, իսկ մեր հավաքականը՝ 3: Դանիայի թիմը վեց միավոր վաստակել է՝ հաղթելով մեկ ու ոչ-ոքի խաղալով երեք անգամ, իսկ մեր թիմը միայն մեկ հաղթանակ է տարել, իսկ մնացած խաղերում պարտվել է:
©Anonymous
