ebank.am 2013թ.-ի հունվար-մարտ ամիսներին ֆիզիկական անձանց կողմից ՀՀ բանկերի միջոցով ոչ առևտրային նպատակներով կատարված փոխանցումների ծավալը կազմել է 305.4 մլն ԱՄՆ դոլար: Այդ մասին ասվում է ՀՀ Կենտրոնական բանկի հրապարակած մարտի տեղեկագրում:
Մասնավորապես, Ռուսաստանի Դաշնությունից վերոնշյալ ժամանակահատվածում ոչ առևտրային նպատակներով Հայաստան է փոխանցվել 246.8 մլն ԱՄՆ դոլար, որը նախորդ տարվա նույն ժամանակահատվածի տվյալները գերազանցել է 22.1 մլն դոլարով: Հայաստանից Ռուսաստան նշված ժամանակահատվածում փոխանցվել է 38.3 մլն ԱՄՆ դոլար:
ԱՄՆ-ից դոլարային փոխանցումներն այս տարվա հունվար-մարտ ամիսներին կազմել է
17.3 մլն ԱՄՆ դոլար, իսկ ուղարկվել է 8.6 մլն ԱՄՆ դոլար:
Ընդհանուր առմամբ ՀՀ բանկերի միջոցով ոչ առևտրային նպատակով Հայաստան կատարված փոխանցումները 2013թ.-ի հունվար-մարտ ամիսներին կազմել են 305.5 մլն ԱՄՆ դոլար, իսկ ՀՀ-ից կատարված փոխանցումները` 70.2 մլն ԱՄՆ դոլար:
Միացեք մեզ
Facebook-ում, եղեք տեղեկացված ՀՀ տնտեսական և բանկային նորություններին
