Հոդվածներ

     Աղջիկը գծագրում է իմ ներսի վախերը`
     Չորրորդ ու աներեւույթ խաչին գամված,
     Ինձ էլ ներում չկա, անէ հայացքները
     Արյունս են խառնում` մեղքի նույն հունն առած:
     Աղջիկը գծագրում է իմ ներսի վախերը`
     Անառագաստ, երեր կայմից կառչած,
     Ես մի նավաբեկյալ. Իններորդն է ալիքը,
     Որ մարմինս է մատնել հորձանքներին հարբած:
     Դուք եք գինի խմում ու մարմինս լափում,
     Ես վախ չունեմ այսօր. Հուդան մի պահ առաջ
     Շուրթերին իմ երաշտ ու տատասկ էր ցանում:
     Սերս մնաց էսքիզ ու աղջիկը հեռվում.....