Ես Մեծ երազանքներ կառուցող ռոմանտիկ ռեալիստ եմ...
19:20, կիրակի, 21 հունվարի, 2018 թ.
Զրուղակիցս Գևորգ Արշակյանն է, ով միաժամանակ սովորում է ԵՊՀ Փիլիսոփայության և հոգեբանության ֆակուլտետում, ԵՊՀ Իրավագիտության ֆակուլտետում և Վ.Սարգսյանի անվան Ռազմական համալսարանում: Գևորգը գերազանց առաջադիմությանը զուգահեռ ակտիվ գործունեություն է ծավալում նաև ուսանողական կառույցներում: - Ցանկանում էի ճանաչեի ինքս ինձ ու որոշեցի ընտրել ճանապարհներից ամենադժվարը, բայց միևնույն ժամանակ ամենահետաքրքիրը` դառնալ փիլիսոփա։ 2.Եթե նորից բախտ վիճակվեր... - Կցանկանայի ծնվել կրկին այս երկրում, ունենայի այս Հայրենիքը ու անձնագիր, որի վրա գրված կլինի Հայաստանի Հանրապետություն։ 3. Կյանքն ինձ համոզել է, որ... - Կյանքը չի համոզում։ Նա կամ ցույց է տալիս, կամ էլ ոչ։ Մենք ենք փորձում ինքներս նրա մասին ինչ որ բաներ համոզել։ 4.Ես երբեք չեմ ասի... - Երբեք չեմ ասի` սեր չկա: 5.Երևանն ու ես... - Սիրտ ու երակ ենք Հայաստան կոչվող մարմնի։ 6.Երկնքին նայելիս... - Տեսնում եմ քայլող, մտածկոտ Տիգրան Մեծին ձեռքը պարզած դեպի գետի մյուս կողմը։ 7.Եթե իմ մասին պատմող ֆիլմ լիներ, այն կկոչվեր... - Ուսանող Գևորգը, քանի որ ֆիլմը կլիներ մինչև այն պահը, երբ ես կամ, իսկ ես այս պահին եմ ուսանող եմ, և ինձ նկարագրող երևույթը, մեծագույն նվաճումս ուսանող լինելն է։ Իսկ հետագայում թե ինչ կլինի միայն ծրագրում եմ դեռ, բայց արված չէ, ուստի ֆիլմի անունը կփոխվի դեռ շատ անգամ։ 8.Կինն ու գինին... - Առհասարակ երանի մեր սեռին. միայն տղամարդուն է տրված հնարավորություն վայելելու կնոջը։ Իսկ գինին թող դիտվի ճանապարհ նրան հասկանալու համար։ Բայց ճշմարիտ հերոսը նույնիսկ նրանց չի պարտվում։ 9.Եթե ինձ բնութագրեի մեկ նախադասությամբ, ապա կասեի... - Ես Մեծ երազանքներ կառուցող ռոմանտիկ ռեալիստ եմ, ով շատ ծույլ է, բայց ոչ երազանքի դեպքում։ 10.Ես ուզում եմ, որ... - Աշխարհում խաղաղության հաստատմանը զուգահեռ լինի ինքնաճանաչում, զավակս ասի. «Ես Միացյալ և Անկախ Հայաստանի Հանրապետության քաղաքացի եմ և իմ անձնագիրը ամենահզորն է աշխարհում» ։ 11.Երեք բան, որոնք տանից դուրս գալիս միշտ վերցում եմ ինձ հետ... - Մտածողությունս, զգացմունքներս ու Նրան, եթե նույնիսկ առաջինն ու երկրորդը կորցնեմ, Նրան չեմ կորցնի երբեք: 12. Գուցե հնարավոր է... - Գուցե հնարավոր է զուգահեռ տիեզերք, որտեղ ես եմ այս հարցազրույցը վերցնում, բայց դա արդեն այլ պատմություն է: 13.Հաճելի է երբ... - Արեգակը մրցում է կնոջ հետ ու հաղթում է կինը` էակ ում հասկանալը պարտադիր չէ, սիրելը անհրաժեշտ է։ 14.Օրինակելի լինելն ու օրինակ վերցնելը... - Բնության հանճարեղության դրսևորումն է: 15.Ես Գևորգ Արշակյանն եմ, ես... - Ես հայ եմ, Հայաստանի Հանրապետության քաղաքացի: |
Հավանել
0
Չհավանել
0
7000 | 0 | 0 | 0