Մարդկության պատմության կարևորագույն թվականները
Հիմնադրություններ, հայտնագործություններ, գյուտեր
Նույն թվականին ֆրանսիացի գեղանկարիչ Անդրե Մասոնն ու ֆրանսիացի ժամագործ (ծագումով շվեյցարացի) Աբրահամ Լուի Բրեգեն ստեղծում են էլեկտրական փոխարկիչը: 1945 թվական – Ամերիկացի գյուտարար Ռիչարդ Մարչ Հոեն ստեղծում է տպագրական երթուդարձային մամլակը: 1846 թվական – Ֆրանսիացի մաթեմատիկոս Ուրբեն Ժան Ժոզեֆ Լը Վարիեն ու գերմանացի աստղագետ Յոհան Գոտֆրիդ Հալլեն հայտնաբերում են Նեպտուն մոլորակը: 1847 թվական – Շոտլանդացի մանկաբարձ-գինեկոլոգ ու վիրաբույժ Ջեյմս Յանգ Սիմփսոնը քլորոֆորմով առաջին անգամ ընդհանուր անզգայացում է կատարում: 1848 թվական – Անգլիացի ֆիզիկոս Ուիլյամ Թոմսոնը (բարոն Կելվին) ստեղծում է ջերմաստիճանի թերմոդինամիկական սանղակը: 1849 թվական – Գերմանացի բուսաբան Վիլհելմ Հոֆմեյստերը դնում է բուսական սաղմնաբանության հիմքը: Նույն թվականին ամերիկացի հիդրոտեխնիկ ու գյուտարար Ջեյմս Ֆրենսիսը ստեղծում է թաթավոր հիդրավլիկ տուրբինը: 1851 թվական – Ֆրանսիացի բժիշկ Կլոդ Բերնարը մարդու լյարդի բջիջներում հայտնաբերում է գլիկոգենը` կենդանական օսլան. Նա «էնդոկրինոլոգիա» գիտության հիմնադիրն է: Նույն թվականին անցկացվում է հեռահաղորդակցության առաջին ստորջրյա մալուխը: 1856 թվական – Մետալուրգիայի ոլորտի անգլիացի ճարտարագետ-գյուտարար Հենրի Բեսեմերը ստեղծում է այն սարքը, որի միջոցով առանց վառելիքի ծախսի, օդ փչելու միջոցով, հեղուկ թուջը վերածվում է պողպատի, որը հետագայում դառնում է «բեսեմերյան պրոցես» -ի հիմքը: 1859 թվական – Անգլիացի բնագետ և ճանապարհորդ Չարլզ Դարվինը գրում է «Տեսակների ծագումը բնական ընտրության միջոցով կամ բարենպաստ տեսակների պահպանումը կյանքի պայքարում» հեղաբեկիչ աշխատությունը: 1860 թվական – Բելգիայում ծնված ու մեծացած ֆրանսիացի գյուտարար Էթիեն Լենուարը ստեղծում է ներքին այրման գազային շարժիչը: 1861 թվական – Ֆրանսիացի փականագործ Պիեր Միշոն ստեղծում է հեծանիվը: Նույն թվականին ֆրանսիացի միկրոկենսաբան և քիմիկոս Լուի Պաստորն առաջ է քաշում մանրէների ինքնածնության տեսությունը: 1865 թվական – Ավստրիացի կենսաբան և բուսաբան Գրեգոր Յոհան Մանդելը դնում է ժառանգականության տեսության հիմքը. Հետագայում այդ տեսությանը տրվում է նրա անունը («Մենդելիզմ»): 1866 թվական – Շվեդ քիմիկոս, ճարտարագետ և գյուտարար Ալֆրեդ Նոբելը ստեղծում է դինամիտը: 1867 թվական – Անգլիացի խոշորագույն վիրաբույժ ու գիտնական Ջոզեֆ Լիստերը բացահայտում է աննեխության (ասեպտիկա) և հականեխության (անտիսեպտիկա) օրենքները. նա հանդիսանում է վիրաբուժության մեջ ասեպտիկայի և անտիսպտիկայի հիմնադիրը: 1869 թվական – Ռուս քիմիկոս Դմիտրի Մենդելեևը հայտնագործում է պարբերականության օրենքը և կազմում է քիմիական տարրերի պարբերական աղյուսակը: Նույն թվականին ֆրանսիացի գյուտարար Լուի Գիյյոմ Պերոն ստեղծում է շոգեշարժիչային հեծանիվը: 1874 թվական – Գերմանացի մաթեմատիկոս Գեորգ Կանտորը հայտնաբերում է «Բազմությունների տեսություն» -ը: 1876 թվական – Գերնանացի ճարտարագետ-գյուտարար Նիկոլաուս Օտտոն, գերմանացի ճարտարագետ, կոնստրուկտոր և արդյունաբերող Գոտլիբ Դալմարն ու Գերմանիայի ավտոմոբիլաշինության ոլորտի պիոներ, գործարար Վիլհելմ Մայբախը ստեղծում են քառատակտ ներքին այրման շարժիչը: Նույն թվականին շոտլանդացի գիտնական, գյուտարար ու գործարար Ալեքսանդր Բելը ստեղծում է հեռախոսը: 1877 թվական – Ամերիկացի խոշորագույն գյուտարարներից մեկը` Թոմաս Էդիսոնը, ստեղծում է ձայնագրիչը: Մեկ տարի անց նա ստեղծում է էլեկտրական լամպը: Շուրջ 1000 գյուտի հեղինակ այս հանճարն է կառուցել աշխարհում առաջին ջերմաէլեկտրակայանը: 1879 թվական – Գերմանացի հռչակավոր ճարտարագետ, գյուտարար, գիտնական և արդյունաբերող, «Սիմենս» -ի հիմնադիր Վերներ ֆոն Սիմենսը ստեղծում է էլեկտրական լոկոմոտիվը: 1881 թվական – Ֆրանսիացի մաթեմատիկոս, ֆիզիկոս, աստղագետ և փիլիսոփա Անրի Պուանկարեն մշակում է «Դիֆերենցիալ հավասարումների որակական տեսություն» -ը: 1884 թվական – Ամերիկացի գործարար և գյուտարար, «Իսթմեն Կոդակ» ընկերության հիմնադիր Ջորջ Իսթմենը ստեղծում է լուսանկարչական ժապավենը: Նույն թվականին ամերիկացի գյուտարար Լյուիս Ուեթերմանը ստեղծում է ինքնահոս գրիչը: 1884 թվականին սահմանվում են Երկրագնդի ժամային գոտիները: 1887 թվական – Գերմանացի ֆիզիկոս Հենրիխ Հերցը` էլեկտրադինամիկայի հիմնադիրներից մեկը, որի անոնով է կոչվում հաճախության միավորը, փորձով ապացուցում է էլեկտրամագնիսական ալիքների գոյությունը: 1888 թվական – Բրիտանացի անասնաբույժ ու ճարտարագետ Ջոն Դյունլոպը ստեղծում է հեծանվի անվադողը: 1891 թվական – Ֆրանսիացի ճարտարագետ Ռենե Պանարը ստեղծում է բենզինային շարժիչով ավտոնեքենան: 1892 թվական – Գերմանացի ճարտարագետ և գյուտարար Ռուդոլֆ Դիզելը ստեղծում է դիզելային շարժիչը: 1893 թվական – Ռուս ֆիզիկոս Ալեքսանդր Պոպովը պատրաստում է ռադիոանտենան: 1894 թվական – Ֆրանսիացի արդյունաբերող և գյուտարար Էդուարդ Միշլենը ստեղծում է ավտոմոբիլային հանովի անվադողը: 1895 թվական – Ֆրանսիացիներ Լյումիեր եղբայրները Փարիզի Կա****իների բուլվարի «Գրան կաֆե» -ի նկուղում ցուցադրում են «Շարժվող լուսանկարներ» -ը: |