Հոդվածներ

չկար կրակ, ջահելություն,
     կար զառամյալ մի տխրություն,

մեզ, երկուսիս բաժին հասած,
     վտանգներով պատուհասած,

փուչ, ձանձրալի մի երկվություն,
     որ աղերս էր, ոչ փրկություն,

հույսն առագաստ չուներ կանչին,
     հավատն էր մեղկ, սերն էր չնչին,

ժամանակը թարս էր հոսում,
     կիրքը մեզ հետ էլ չէր խոսում,

բամբասվում էր տարիք ու փորձ,
     ավաղ, չկար էլ էգ ու որձ,

կար կենդանի երկու դիակ,
     հոգսն էր ժանգոտ, եռանդը՝ փակ․․․

Երբ արթնացա, տեսա, որ ես
     սիրում եմ քեզ առաջվա պես։

Օգոստոս 20, 2017 թ․, Լոս Անջելես։