Հոդվածներ

Կանադան իր անվան համար պարտական է Ֆրանսիային, ավելի ճշգիրտ՝ մի ֆրանսիացու՝ Ժակ Քարտիեին: Դեպի Ասիա տանող ծովային նոր ուղի որոնող այս երկրախույզը 1535 թվականին խարիսխ է գցում Սուրբ Կարլ գետի գետաբերանում ու, տեղաբնիկների ուղեկցությամբ, սկսում է հետազոտել նորահայտ երկիրը: Հասնելով Սթադաքոնա գյուղին (այն այժմ Քվեբեկ քաղաքի մաս է կազմում) ՝ երկրախույզին ուղեկցող հնդկացիները շարունակ ու շուտասելուկի պես «կանատա» բառն են արտասանում, որը նրանց լեզվով «գյուղ» է նշանակում: Ժակ Քարտիեի ականջին «կանատա» -ի «տ» հնչյունը «դ» -ի նման է հնչում, և նա այս անունը գործածում է՝ ոչ միայն գյուղը, այլև ամբողջ շրջակա տարածքն ու մերձական գետը նշելու համար: Հետագայում այդ գետը Սեն Լորան (հայերեն՝ Սուրբ Լավրենտիոս) անունն է ստանում:

     Նկարում՝ Գասպե թերակղզում կառուցված համանուն քաղաքի Մայր տաճարում գտնվող այս նկարը պատկերում է 1534 թվականին Ժակ Քարտիեի ժամանումը Գասպե թերակղզի: