Գալիքը՝
Դատա՜րկ անապատ,
Օրերը՝ դահիճ,
Մարդիկ թիապարտ…
… Խաբնվում ենք արթնացող կրքերից
Ու կորցնո՜ւմ ենք
Կապույտ մի Գարո՜ւն,
Ոսկե մի Ամառ:
Ուրախությունը՝
Անկատա՜ր,
Երջանկությունը – կիսամեռ,
… Փակված սրտերին հասնելու համար
Դեռ մի ամբողջ կյանք
Պետք է որ անցնենք:
… Ու տենչանքնե՜րն են կորում ճամփեքին
… Ու էլ տենչալու բա՛ն էլ չի մնում
… Ու նմանվո՜ւմ ենք ցլամարտիկի,
Ով ծափերի տակ ընկնո՜ւմ է -
Մեռնում…
Ամեն հաղթանակ նաև պարտությո՜ւն է,
Պարտություն մտքի՜
Ու նաև խղճի՜…
Ինչպես որ գոհանալը
Պարտականությո՜ւն է՝
Թեթև մի զեփյուռ կամ
Հասարա՜կ քամի…
Ս.Ումառ-Հարությունյան