Նոր Նորք վարչական շրջանի ղեկավար Արմեն Ուլիխանյանի հանձնարարությամբ Հայոց ցեղասպանության 102-րդ տարելիցին և մայիսյան հաղթանակներին նվիրված միջոցառումները Նոր Նորքում կրում են շարունակական բնույթ:
Հերթական միջոցառումը կազմակերպվել է հ.163 հիմնական դպրոցում: «Փյունիկի պես մոխիրներից հառնած եղեռնազարկ իմ ժողովուրդ» խորագիրը կրող միջոցառման ընթացքում աշակերտները ուշագրավ բեմախաղով ոգեկոչել են Հայոց ցեղասպանության մեկուկես միլիոն անմեղ զոհերի հիշատակը և երախտագիտությամբ խոնարհվել կյանքի ու մարդկային արժանապատվության համար պայքար մղած նահատակ և վերապրած հերոսների առջև:
Միջոցառմանը մասնակցել են բարձրաստիճան զինվորականներ, Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնի ներկայացուցիչներ, ազատամարտիկներ, կրթության ոլորտի ներկայացուցիչներ և այլ հյուրեր:
Միջոցառման հյուրերը կոչ են արել հայորդիներին լինել հայրենասեր, գիտակից և ուսյալ կեցվածքով պաշտպան կանգնել հայրենի սրբազան ժառանգությանը, աննահանջ պայքարով ծառայել հանուն առավել հզոր Հայրենիքի, հանուն համայն հայության դարավոր նվիրական նպատակների իրականացման:
Նկարները`
այստեղ
