Գերմանիայում առաջին անգամ են դատում անչափահաս աղջկա, որին մեղադրում են ԻՊ ահաբեկչական խմբավորման առաջադրանքով ու նրա անունից սպանության մահափորձ կատարելու մեջ։ Ցեպլե քաղաքում Գերագույն հողային դատարանում սկսվել է ծագումով մարոկացի՝ Գերմանիայի քաղաքացի Սաֆրիա Ս․-ի դատավարությունը, որը Հանովերում դանակով հարձակվել էր ոստիկանի վրա։
Դատավարությունը փակ է ընթանում։ Կասկածյալին առաջադրել են մեղադրանք մահափորձի, ծանր մարմնական վնասվածքներ հասցնելու ու օտարերկրյա ահաբեկչական կազմակերպությանն աջակցելու մեջ, նշում է DW–ը։ Ամբաստանյալի փաստաբանը կասկածի տակ է դրել ԻՊ հետ իր պաշտպանյալի կապերի փաստը։
Մեղադրանքի վարկածով 2016-ի հունվարին Սոֆիա Ս․ անունով աշակերտուհին, որն այդ ժամանակ 15 տարեկան էր, Ստամբուլ էր այցելել՝ հետագայում Սիրիայում ԻՊ-ին միանալու մտադրությամբ։ Թուրքիայում նա կապ էր հաստատվել ահաբեկիչների խմբի հետ, որոնք նրան հրամայել են «նահատակ դառնալ», կազմակերպելով հարձակում Գերմանիայում։ Վերադառնալով Գերմանիա, նա դանակով հարձակվել է ոստիկանության աշխատակցի վրա Հանովերի կայարանում։ Հարձակման հետեւանքով ոստիկանը ծանր վիրավորում էր ստացել։