Գիտնականները որոշել են հատուկ գիտական հետազոտություն իրականացնել, որն ուղղված է այն հատուկ հմտությունների եւ ունակությունների ուսումնասիրմանը, որոնք երիտասարդներին կարող են օգնել հաջողության եւ անկախության հասնել: Informing-ի փոխանցմամբ՝ արդյունքում առավել կարեւոր առանձնահատկությունների ցուցակում են հայտնվել ընդամենը 4 չափանիշներ:
Առաջին տեղում ֆինանսական միջոցների ճիշտ տնօրինումն է: Մասնագետները համոզված են, որ միայն դրանց ճիշտ եւ իրատեսական տնօրինման դեպքում մարդը կկարողանա ժամանակավոր ֆինանսական դժվարությունների հանդեպ դիմադրություն մշակել:
Ոչ պակաս կարեւոր երկրորդ գործոնը առաջնահերթությունների տեղաբաշխումն է: Գիտնականների համոզմամբ՝ առաջին հերթին պետք է զբաղվել կարեւոր գործերով: Ժամանակի ընթացքում սա մարդու մեջ կզարգացնի ինքնակարգապահության անհրաժեշտ որակը:
Մասնագետները երիտասարդներին նաեւ խորհուրդ են տալիս ջանալ հարթել կյանքի ընթացքում ծագած կոնֆլիկտային իրավիճակները, ինչպես նաեւ չկորցնել հավատը, որ լավագույնը դեռեւս առջեւում է:
