Статьи

Ուզում եմ ճչալ ողջ աշխարհով մեկ

Որ կա՛ս,

Շնչո՛ւմ ես,

տողերս ես կարդում,

Որ քեզ նվիրված սիրո երգերս

Ծղրիդների մոտ այլ երգ են դառնում:

Եվ ծղրիդների խմբավարը ծեր,

Իր խմբավարի զույգ փայտիկներով,

Իմ ցերեկ երգը սարքում է գիշեր,

Ու ծղրիդներն են երգում գիշերով:

Ուզում եմ չճա՛լ,

Աշխարհին ասե՜լ

Որ դա Քո՛ երգն է,

Քեզ համար գրված,

Որ ծղրիդները այստեղ գործ չունե՜ն,

Որ ես երգում եմ քեզանից նեղված:

… Երգս պատմություն մի տխո՜ւր սիրո,

Դարձել ե քնքո՜ւշ,

Չքնաղ մեղեդի,

Ձևափոխվում է երգս գիշերով,

Երգս դառնո՛ւմ է մի երգ ծղրիդի: