Loading...

Articles

Փաշինյանի կախարդական փայտիկը Իջեւանում վերածվեց մահակի

00:13, Sunday, 21 July, 2019
Փաշինյանի կախարդական փայտիկը Իջեւանում վերածվեց մահակի

Արմեն Աշոտյանն իր ֆեյսբուքյան էջում գրում է. «Նիկոլը գնալով թուլանալու է, բայց պետությունը պետք է ուժեղ մնա։

Նիկոլ Փաշինյանի այցերը գնալով վերածվելու են մղձավանջի։ Նոր իշխանությունների համաժողովրդական երկրպագության մեղրամիսը մոտենում է իր ավարտին։

Փաշինյանի կախարդական փայտիկը Իջեւանում վերածվեց մահակի, Գյումրիում ժողովրդի վարչապետը՝ ժողովրդի վրա մունաթ եկող չինովնիկի։

Մարդիկ, որոնք անցյալ տարի իրենց ձեռքերի վրա նրան բերեցին իշխանության, այսօր Գյումրիում ձեռքերը պարզած փորձում էին «դարձի բերել» անվտանգության ծառայության աշխատակիցների արանքում իրանցից խուսափող Փաշինյանին։

Իջեւանում ուժի անհամաչափ կիրառումը, անկախ պատճառից, ունի ընդամենը մեկ նպատակ՝ օրորոցում խեղդել զանազան առիթներով երկրի տարբեր հատվածներում բոցկլթացող խնդիրների զանգվածային դրսեւորումները։

Հիասթափության եւ դժգոհությունների ալիքը դեռ նոր է ձեւավորվում։ Թե որտե՞ղ, ե՞րբ եւ ինչպե՞ս այն կդառնա «իններորդ ալիք», այդքան կարեւոր չէ։ Առավել կարեւոր է, որ պետականության ինստիտուցիոնալ հիմքերը արդյունքում վերջնականապես չփլուզվեն։

Նիկոլը գնալով թուլանալու է, բայց պետությունը պետք է ուժեղ մնա» ։

To promote the post

Like
0
Dislike
0
| | |
898 | 0 | 0
Facebook
COMMENT.am