Articles

Ըստ հավաստի աղբյուրների, Շենգավիթ վարչական շրջանի ղեկավար Արմեն Սարգսյանը, ով նաև Տարոն Մարգարյանի սանիկն է, օրերս հավաքել է Շենգավիթի բոլոր համատիրությունների ղեկավարներին և հրահանգել, որպեսզի նրանք աշխատեն «Լույս» դաշինքի թեկնածու Արտակ Զեյնալյանի համար: Պայմանը եղել է այնպես, որ եթե համատիրությունների ղեկավարները զգան, որ բնակիչները շատ են հակված քվեարկել ՔՊ-ի թեկնածու Հայկ Մարությանի օգտին, ապա նոր միայն սկսել «տակից» աջակցել ՔՊ-ի թեկնածուին:

Նշենք նաև, որ Արմեն Սարգսյանը, տարիներ շարունակ սպասարկել է Տարոն Մարգարյանի շահերը՝ օգտագործելով ադմինստրատիվ ռեսուրսներն ու պաշտոնական դիրքը:

Լուսանկարում՝ Շենգավիթ վարչական շրջանի ղեկավար Արմեն Սարգսյանն է և Շենգավիթի համատիրությունների ղեկավարները: