Articles

Բաքվում, Սումգայիթում և Ադրբեջանի շատ այլ շրջաններում «Մուսավաթ» կուսակցության կոչով մեկօրյա հացադուլ տեղի կունենա՝ քաղբանտարկյալներին ազատ արձակելու պահանջով:

Ինչպես տեղեկացնում է contact.az-ը, ակցիան անցկացվելու է ի նշան մայիսի 12-ից կուսակցության շտաբ-բնակարանում սկսված հացադուլի մասնակիցների հետ համերաշխության:

Ակցիայի առաջին օրից դրան մասնակցում է 5 մարդ Բաքվում և ևս մեկը՝ Մասալինի շրջանում:
     Մայիսի 14-ից հացադուլի մասնակիցներին է միացել ևս երեք ակտիվիստ:

Կուսակցության տարածած մամուլի հաղորդագրության մեջ նշվում է, որ ողջ երկրում մեկօրյա հացադուլի մասին որոշումը կայացվել է բազմաթիվ ակտիվիստների պահանջով: