Չինաստանում երիտասարդ ամուսնական զույգը սեփական որդիներին թրաֆիքինգով զբաղվող անձանց է վաճառել, քանի որ ընտանիքի հայրն առցանց խաղերում վիրտուալ ապրանքներ գնելու համար բավարար միջոցներ չի ունեցել: Այս մասին հաղորդում է ria.ru-ն՝ հղում կատարելով Games of Asia-ին:
Ընտանեկան զույգը չէր պլանավորել երեխաներ ունենալու, ուստի հեշտությամբ որոշել է վաճառել երեխաներին՝ նրանց ստրկության տալով Ֆուցզյան գավառում:
Առցանց խաղերը մեծ տարածում ունեն Չինաստանում, և խաղացողները պատրաստ են մեծ գումարներ տրամադրել վիրտուալ ապրանքներ՝ զենք, հերոսների համար հագուստ և խաղային այլ իրեր գնելու համար:
Աղբյուրի տեղեկացմամբ Չինաստանում երեխաների վաճառքի հարցը լուրջ խնդիր է դարձել. այնտեղ տարեկան հազարավոր երեխաներ են վաճառվում խնամատար ընտանիքներին, ավազակախմբերին և փողոցային վաճառականներին: