Ամենացանկալի ամուրիների ցուցակից կարող եք հանել Միշոյի թեկնածությունը. ռեփերն օրերս նշանադրվել է եւ պատրաստվում է ամուսնանալ Միացյալ Նահանգներից իր գեղեցկուհի ընտրյալի հետ: Նա "Ֆեյսբուք" սոցիալական ցանցի իր պաշտոնական էջում տեղադրել է հունիսի 9-ին տեղի ունեցած արարողությունից լուսանկարներ, որոնք էլ ներկայացնում ենք մեր ընթերցողներին: Խնջույքին ներկա են եղել ինչպես զույգի հարազատները, այնպես էլ ընկերները, այդ թվում` դիջեյ Սերժոն, Հովհաննես Ազոյանը` կնոջ հետ, եւ ուրիշներ: Միշոյի նշանածի անունը Սոնա է: Աղջկա հայրն, ի դեպ, տատուի վարպետ է եւ հեղինակել է Միշոյի դաջվածքներից մեկը: Շնորհավորում ենք զույգին` մաղթելով երջանկություն եւ հարատեւ սեր:
