Վերջերս Ադրբեջանում անցկացվել է «Միսս Ադրբեջան 2014» մրցույթը, որտեղ հաղթել է Ջավիդան Գուրբանովան։ Գուրբանովան օնլայն քվեարկությամբ զբաղեցրել է առաջին հորիզոնականը եւ ստացել «Միսս Բահար 2014» տիտղոսը, ինչպես նաեւ դարձել է ՍՄՍ քվեարկության հաղթող։
Ինչպես նշել է Haqqin.az՝ պարզվել է, Գուրբանովան հանցագործ է։
Ըստ այս տեղեկատվության՝ Ադրբեջանի ամենագեղեցիկ աղջիկը քրեական հետապնդման է ենթարկվել խուլիգանության մեղադրանքով։
Նրան անգամ դատապարտել են 4 տարվա ազատազրկման, որից 2 արդեն անցել է։ Ըստ դատարանի որոշման՝ նրան արգելել են լքել երկրի տարածքը։
Հատկանշական է, որ «Միսս Ադրբեջան 2014» կազմակերպիչները նրա քրեական անցյալի մասին տեղյակ չեն եղել։ Աղջիկը պետք է ներկայացներ Ադրբեջանը «Միսս Տիեզերք 2014» մրցույթին, սակայն նա չի կարող դուրս գալ երկրից։
«Միսս Ադրբեջան 2014» Ջավիդան Գուրբանովան Oxu.Az-ում հայտարարել է, որ տարածված տեղեկատվությունը չի համպատասխանում իրականությանը։
Ըստ նրա՝ սա ուղղված է իր դեմ եւ սադրիչ բնույթ ունի։