Քանաքեռ-Զեյթուն համայնքի Խ. Աբովյանի անվան հ. 84 հիմն. դպրոցում արդեն գործում է բանավեճի ակումբ: Ապրիլի 19-ին աշակերտները մասնակցեցին դպրոցում կայացած առաջին բանավեճին: Բանավեճը տեղի ունեցավ «Երիտասարդությունը ներգրավված հասարակության մեջ» ծրագրի շրջանակներում: Բանավեճի դատավորներն էին «Ջինիշյան» հիմնադրամի ներկայացուցիչները: Բանավեճի թեման էր` «Ծնողի որոշումը արդյո՞ք պետք է վճռորոշ լինի երեխայի մասնագիտություն ընտրելու հարցում»:
Աշակերտները հանդես էին գալիս 2 թիմերով` «Կողմ» և «Դեմ»: Երկու թիմերն էլ պատրաստ էին բանավիճելու: Նրանք հավաքել էին նյութեր, տեսանյութեր և կատարել էին հարցումներ: Յուրաքանչյուր թիմ ներկայացրեց իր տեսանյութերը, հարցումները կառուցողական ելույթում և որոշակի եզրահանգումներ արեց եզրափակիչ ելույթում: Բանավեճի վերջում երկու թիմերն էլ մնացին նույն կարծիքին, բայց գնացին որոշ զիջումների:
Դատավորները նախ նշեցին աշակերտների սխալները, որպեսզի հետագա բանավեճերին շտկեն դրանք: Նրանք նաև նշեցին բանավեճի լավ կողմերը` երեխաները գրագետ էին խոսում, մեկը մյուսին հարգանքով էին վերաբերվում և խաղը համապատասխանում էր գրագետ բանավեճի կանոններին: Դատավորները հաջողություն մաղթեցին աշակերտներին հետագա խաղերում, իսկ աշակերտները խոստացան ավելի լավ պատրաստվել մյուս բանավեճերին:
