Խնդրում ենք սպասել...

Հոդվածներ

Պատգամավորների, բարձրաստիճան պաշտոնյաների հետ առնչվող ընթերցողներիս խնդրում եմ…

20:18, չորեքշաբթի, 13 մայիսի, 2020 թ.
Պատգամավորների, բարձրաստիճան պաշտոնյաների հետ առնչվող ընթերցողներիս խնդրում եմ…

Հայոց Ազգային Ժողովի գրեթե բոլոր պատգամավորներն ու կառավարության մեծ, միջին ու փոքր տրամաչափի գրեթե բոլոր պաշտոնյաները, բոլոր նրանք, ովքեր ռուսերենի ազդեցության ոլորտում են մեծացել ու կրթվել, «речь идет о…» -ն մտովի թարգամանում են «խոսքը գնում է… մասին», ու քանի որ անհրաժեշտություն է առաջանում պահպանել «օ» վերաբերականի գործառույթը, իրենց «հայերեն» նախադասության կառույցում «օ» -ն դառնում է «մասին», իսկ նախադասությունն ստանում է «խոսքը գնում է (այսինչ անձի կամ առարկայի) մասին» օտարահենք և օտարահունչ կառուցվածքը:

Տիկնա՛յք և պարոնա՛յք, հայերենում խոսքը չի՛ գնում, հայերենում խոսքը վերաբերո՛ւմ է: Հայերենում խոսքը չի կարող մի որևէ անձի կամ առարկայի մասին գնալ: Հայերենում խոսքն անձի կամ առարկայի կարող է վերաբերել:

Հասարակ մարդիկ, դպրոցականները, հեռուստադիտողներից շատերը, մտածելով, թե դուք գրագետ անձնավորություններ եք, ընդօրինակում են, և աստիճանաբար ապականվում է ազգի լեզվամտածողությունը:

Արդ, պատգամավորների, բարձրաստիճան պաշտոնյաների հետ առնչվող ընթերցողներիս խնդրում եմ փոխանցել նրանց, որ խոսքն ասելիս մի պահ մտածեն, որպեսզի իրենց խոսքը ոչ թե գնա, այլ վերաբերի:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1740 | 0 | 0
Facebook
COMMENT.am