Խնդրում ենք սպասել...
Այսօր`  հինգշաբթի, 17 հոկտեմբերի, 2019 թ.

Հոդվածներ

«Բանակը պետության ամրոցն է»

10:09, հինգշաբթի, 31 հունվարի, 2019 թ.
«Բանակը պետության ամրոցն է»

«Բանակը պետության ամրոցն է» այս խորագրի ներքո Կապանի N13 հիմնական դպրոցի IVբ դասարանի դասվար Կարինե Մարտիրոսյանի նախաձեռնությամբ կազմակերպվեց միջոցառում՝ նվիրված Հայոց բանակի կազմավորման 27-ամյակին: Միջոցառմանը ներկա էին Կապանի N զորամասի հրամանատարական կազմը և զինվորները: Հանդիսությունը սկսվեց աշակերտների ողջույնի և շնորհավորանքի խոսքով: Հայրենասիրական, ռազմական խրոխտ երգերի ու պարերի կատարումներով աշակերտները շնորհավորեցին Հայկական բանակի կազմավորման տարեդարձը՝ պանծալի և փառավոր տոնը: Յուրաքանչյուր հայորդի հպարտություն ու երախտագիտություն է տածում դեպի Հայկական բանակը, որի գոյությունը մեր նորանկախ պետության ամենանշանակալի ձեռքբերումներից է: Հայոց փոքրիկ ռազմիկներն իրենց շնորհավորանքի խոսքը հղեցին N զորամասի զինծառայողներին: Հայկական բանակի տոնին համահունչ N զորամասի զինվորները հնչեցրին և՛ շնորհավորանքներ և՛ բարեմաղթանքներ և երաժշտական գեղեցիկ կատարումներ:
     Այսօր հիրավի փառահեղ տոն է ոչ միայն բանակի ու ծառայող զինվորների, այլեւ նրանց ծնած հերոս մայրերի, հայրենիքի պաշտպանության համար նահատակված բոլոր երիտասարդ տղաների ու բոլոր նրանց, ում համար ազգն ու բանակը իրական հպարտանալու արժեքներ են: Եվ ուրեմն, թող շնորհավո՛ր լինի բոլորիս տոնը:
     ՄԿԱ գծով փոխտնօրեն Ժաննա Վարդանյան

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1057 | 0 | 0
Facebook
COMMENT.am