Մայիսի 20-ին Ալ.Սպենդիարյանի անվան օպերայի և բալետի ազգային ակադեմիական թատրոնում կայացավ համերգային ծրագիր օպերային երգչուհի Տաթևիկ Սազանդարյանի ծննդյան 100-ամյակի կապակցությամբ: Համերգ-ներկայացումը կրում էր «Առաջին-Տաթևիկ խորագիրը: Համերգ-ներկայացման մտահաղացումը պատկանում է Տաթևիկ Սազանդարյանի թոռնուհի Զարուհի Խանջյանին, որը անժամանակ հեռացել է կյանքից: Ծրագրում ելույթ ունեցան Հայաստանի պետական երիտասարդական նվագախումբը?
Գեղարվեստական ղեկավար և գլխավոր դիրիժոր Սերգեյ Սմբատյանի ղեկավարությամբ:
Հնչեցին այն ստեղծագործությունները, օպերային արիաները, որոնց շնորհիվ Տաթևիկ Սազանդարյանը մեծ ճանաչում էր ձեռք բերել: Դահլիճը լեփ-լեցուն էր, և օպերային արվեստի սիրահարները մեծ ոգևորությամբ էին արձագանքում բոլոր համարներին: Համերգն իրականացավ առաջին տիկին Ռիտա Սարգսյանի բարձր հովանու ներքո և մշակույթի նախարարության աջակցությամբ:
