2017թ. ապրիլի 23-ին ՀՀ Արմավիրի մարզի «Ջանֆիդայի Է. Դաշտոյանի անվան միջնակարգ դպրոց» ՊՈԱԿ-ի տնօրինությունը, աշակերտները, ուսուցիչները և ծնողական խորհուրդը կացմակերպել էին ջահերով երթ՝ դպրոցից դեպի Ջանֆիդա համայնքում գտնվող Սբ. Կարապետ եկեղեցու առջև տեղադրված Հայոց ցեղասպանության զոհերի հիշատակը հավերժացնող խաչքար: Խաչքարի մոտ կատարվեց մոմավառություն՝ ի հիշատակ Հայոց մեծ եղեռնի զոհերի: Ջահերով երթին մասնակցում էր նաև համայնքի Սուրբ Կարապետ եկեղեցու հոգևոր հովիվ Տեր Արիս քահանա Խաչատրյանը: