Մենք դիմում ենք բոլոր նրանց, ում հոգին լի է հայկականությամբ, ով պատրաստ է իր ներդրումն ունենալու՝ Հայաստան անունը միջազգային մրցույթում բարձր պահելու գործում: Եթե Եվրոպայի և աշխարհի մյուս անկյուններում ապրող մեր հայրենակիցները փորձեն մասնակցել մեր խնդրանքին, եթե մի փոքր ժամանակ և միջոց գտնեն մեր պատանի շախմատիստին աջակցելու համար, ապա հաղթանակը անխուսափելի կլինի:
Յուրաքանչյուր հաղթանակով պայմանավորվում է ազգի հավաքականությունը, հավատն ու միասնականությունը: Վստահ եմ, որ Հայրենիքի և Սփյուռքի մեր հայրենակիցների տիեզերական էներգետիկան, աղոթքը փոխանցվում է մեր մասնակցին, ուժ, դրական լիցքեր հաղորդում նրան:
Ակնհայտ է, որ ձեր բարոյական կորովի, սիրո և ջերմության կարիքն ունի Հայաստանը ներկայացնող պատանի շախմատիստը՝ մեր տաղանդավոր հայորդին, ում պետք է գոտեպնդենք, ուժ տանք, հավատանք նրա ձիրքին ու տաղանդին, և հաղթանակը մերը կլինի:
Մաղթանքս է, որ հաղթական հրավառություն առաջացնի Հայաստանի և Սփյուռքի մեր հայրենակիցների սրտերում: Եվ հայի ճակատագրի համար հաղթանակների Մայիսը հաղթական լինի նաև «հոկտեմբերի-2016» -ով, փայլուն նվաճում արձանագրի, որպեսզի Աշխարհի երկնակամարում ծածանվի մեր հաղթական Եռագույնը, և հայ ժողովուրդը ըմբոշխնի հպարտության բերկրանքը:
Իսկ հաղթանակի կարող ենք հասնել ոչ միայն շախմատիստի խաղով, այլև մեր միասնականությամբ, մեր աջակցությամբ: Ովքեր կարող են աջակցել հրաշամանուկին, որն ունի ֆինանսական խնդիրներ աշխարհի պատանիների առաջնությանը հոկտեմբերին մասնակցելու համար թող գրեն մեզ կամ զանգահարեն +37455065090 հեռախոսահամարով:
Ակնկալում ենք Ձեր ակտիվ աջակցությունը:
