Երեւան: Րաֆֆի Հովհաննիսյանն այսօր Ազատության հրապարակում նախագահեց աջակցության աննախադեպ ցույցը, որտեղ տասնյակ հազարավոր մարդիկ հավաքվել էին վանկարկելու «Հա-յաս-տան» եւ ընդունելու իրենց օրինական նախագահին:
Հավաքվածներին տեղեկացնելով երեկ Սերժ Սարգսյանի հետ կայացած հանդիպման մանրամասները, որի ընթացքում իշխանությունը եւս մեկ անգամ չընդունեց փետրվարի 18-ի ընտրություններում իր կրած պարտությունը, Հովհաննիսյանը վճռականություն հայտնեց շարունակելու պայքարը մինչեւ հայ ժողովրդի հաղթատոնը:
«Ես կանգնել եմ ձեր առջեւ՝ ասելու, որ մենք չենք հրաժարվի, մենք չենք թաքցնում եւ չենք հանգստանա, մինչեւ մեր ժողովրդի ձայնը հասու չլինի կառավարությանը», - ասաց Հովհաննիսյանը՝ հավելելով. «Քաղաք առ քաղաք, գյուղ առ գյուղ մենք ետ կվերցնենք մեր երկիրը»:
Վերջում Հովհաննիսյանը հայտարարեց վաղը մեկնարկող հաղթարշավի մասին, որի ընթացքում նա կայցելի գյուղեր ու քաղաքներ, որտեղ, նույնիսկ պաշտոնապես հրապարակված արդյունքների համաձայն, ժողովուրդը փայլուն հաղթանակ է տարել իշխանությունների հանդեպ՝ ընտրելով Հայաստանի Հանրապետության նոր նախագահ:
23 փետրվարի 2013
Ժամը 12: 00
Աշտարակ
Ներսես Աշտարակեցի հրապարակ
Ժամը 14: 30
Վանաձոր
Արցախի պուրակ
Ժամը 17: 00
Գյումրի
Վարդան Աճեմյան թատերական հրապարակ
