Երբ փոքր էինք, հավատում էինք հրաշքներին ու հեքիաթներին: Մեզ թվում էր, թե երազանքների իրականացման համար բավական է միայն խնդրել մեծերից մեկին և այն իսկույն կիրականանա և իրոք այն իրականանում էր ու մեզ համար հրաշք դառնում:
Բայց ժամանակն անցնում է, մարդիկ մեծանում են և դադարում երազել: Հասկանալի է, որ մենք այլևս չենք կարող հավատալ
Ձմեռ պապի գոյությանը, սակայն երազել մենք պարտավոր ենք:
Երազանքը ոգեշնչում է մարդուն և թույլ տալիս նոր կյանք սկսելու: Մեր ցանկությունները կարող են լինել բազմազան ու ֆանտաստիկ: Ամենից կարևորն այն է, որ պետք է հիշենք` երազանքների կատարումը գտնվում է մեր իսկ ձեռքերում:
Նայելով մեր շուրջը` նկատում ենք, որ մարդկանց մի մասը իսկական հաջողակներ են, ովքեր հայտնվում են ճիշտ տեղում և ճիշտ ժամանակին, իսկ մյուս մասն էլ չեն կարողանում ոչնչի հասնել` չնայած նրան, որ շատ են աշխատում: Ի՞նչն է պատճառը: Պատճառն այն է, որ ցանկությունն իրականություն դարձնելը մեզնից յուրաքանչյուրը տարբեր ձևով է ընկալում: Սակայն բավական է միայն հավատալ քեզ ու քո ուժերին:
Հաջողությունը հետևում է նրանց, ովքեր կյանքին թեթև են նայում: Երազանքերի կատարվելը կապված է Ձեր հոգեվիճակից: Ուստի եղեք բարի, գնահատեք Ձեր կյանքի յուրաքանչյուր լավ բանը և երազանքը կսկսի իրականանալ:
Նյութի աղբյուր`
http://www.edmanblog.com/2012/12/blog-post_910.html 
