Մեծարգո ԷՊՍԻԴՈՆ այսօր Ձեր ծննդյան տոնին կհնչեն հազարավոր մարդկանց շնորհավորանքի ու շնորհակալական խոսքեր: Մենք` ՎԻՎԱՐՏ մշակութային հասարակական կազմակերպության ձեր հավատարիմ բարեկամներս, գլխավորությամբ տնօրեն Վարդուհի Գասպարյանի, ևս ուզում ենք միանալ նրանց: Թատրոնն արվեստի մնայուն արժեք է, իսկ թատրոնի նվիրյալները իսկական արտիստներ: Ի շնորհիվ ձեզ այսօր մենք հավատում ենք, որ որքան էլ անցնեն տարիներ, թատրոնը միշտ կմնա կանգուն ու հաստատուն արվեստի «տաճար»: Տարիներն անցնում են, երբեք չհանձնվեք «Գետի հոսանք» թվացող անցնող տարիներին, պահեք ու պահպանեք այն շնորհը, որն Աստված է ընծայել Ձեզ: Թող որ Ձեր ճանապարհին հանդիպած յուրաքանչյուր խոչընդոտ ավելի իմաստուն դարձնի Ձեզ և անսահման հաջողությունն էլ միշտ ուղեկից լինի: Մենք սիրում ենք Ձեզ... Դուք մեր հաղթանակն եք...
