35-ամյա Սոֆյա Հ.-ն կեղծ ոսկյա զարդեր է գրավադրել «Անելիքբանկում» եւ դրա դիմաց որպես վարկ՝ վերցրել մոտ 4մլն դրամ: Մեր տեղեկություններով՝ «Անելիքբանկի» ղեկավարությունը դիմել է դատախազություն՝ նշելով, որ իրենց բանկի վարկառու Սոֆյա Հ.-ն իր եւ մի շարք այլ անձանց անվամբ բանկի «Մալաթիա», «Կենտրոնական» եւ «Արաբկիր» մասնաճյուղերում գրավադրել է կեղծ ոսկյա զարդեր:
Հունիսի 9-ին էլ հաղորդում է տվել «Անելիք Բանկ» ՓԲԸ անվտանգության վարչության ներքին անվտանգության բաժնի պետը եւ հայտնել, որ կինն իր ծանոթի անվամբ ապրիլի 22-ին «Անելիքբանկ» ՓԲԸ-ի «Մալաթիա» մասնաճյուղում գրավադրել է կեղծ ոսկյա զարդեր, որոնց դիմաց ստացել է 3.940.000 դրամ վարկ: Դեպքով զբաղվում են իրավապահները:
