«Արարատն» ավարտեց այս տարվա առաջին արտասահմանյան ուսումնամարզական հավաքը Սոչիում և վերադարձավ Երևան:
Թիմի կազմը համալրել են դարպասապահ Կարեն Իսրայելյանը, պաշտպաններ Ալեքսանդր Վոլչկովը, Նագի Բուրասը, Ռաֆֆի Կայան, Սեյեդ Հոսեյն Հոսեյնին, կիսապաշտպաններ Ամիրի Շոեիբը, Սաման Աղազամանին և Վիկտոր Գարզան, որոնց հետ արդեն պայմանագրեր են ստորագրվել: Ավելի վաղ «Արարատ» -ին էին միացել դարպասապահ Արամ Հայրապետյանը, պաշտպաններ Վահե Մարտիրոսյանը և Գորիկ Խաչատրյանը, ինչպես նաև` կիսապապաշտպան Կարլո Չուեկան:
«Արարատը» հրաժարվել է թիմում փորձաշրջան անցած կիսապաշտպան Եվգենի Մորոզից, երկկողմանի համաձայնությամբ խզվել է պայմանագիրը պաշտպան Ջամել Ուոլեսի հետ: Մոտ օրերս թիմին կմիանա 18-ամյա կամերունցի հարձակվող Ումարու Կաինան, ով հանդիսանում է հայտնի Aspire Academy-ի սան:
«Արարատի» երկրորդ արտագնա ուսումնամարզական հավաքը նույնպես կանցկացվի Սոչիում` փետրվարի 8-ից 20-ը: Նախատեսված են երեք ընկերական հանդիպումներ, իսկ հավանական մրցակիցների թվում են «Սոչին», «Խիմիկը», «Ենիսեյը» և Տուլայի «Արսենալի» երկրորդ թիմը:
Հայտնում է ՖԱ Արարատի պաշտոնական կայքը: