Օրերս հարցազրույց ունեցա 10 ամյա երգչուհի Էլենի հետ, ով արդեն հաստատուն քայլերով փորձում է մտնել հայկական շոու բիզնես: Էլենը անմիջական ու ժպտերես բալիկ է ու ոչնչով չի տարբերվում իր հասակակիցներից: Անգամ ասաց, որ հաջախ է հոգնում լարված պարապմունքներից ու ուզում է խախալ դրսում` իր հասակակիցների նման: Նա 5 տարեկանից երգում է ու հաճախում Էջմիածնի Զանգակ մանկական երգի ստուդիա: Էլենը սկզբից անկեղծացավ ու ասաց, որ մոտավորապես 2 տարի երգել է ուղղակի երգելու համար, և 3 տարի է, ինչ խորացված պարապում է:
Փոքրի երգչուհին այս տարի ապրիլին Մոսկվայում մասնակցել է Նոր ալիք հեղինակավոր մրցույթին, ուր հայաստանյան երգիչ երգչուհիների շարքում երկրորդ հորիզոնականում է եղել: Նրա խոսքերով մոսկովյան ժյուրին անտարբեր չի մնացել` լսելով իր ձայնային տվյալները: Դա էլ ոգևորել է փոքրիկին ավելի հստակ քայլերով առաջ գնալ:
Այս տարի Էլենը ցանկանում է մասնակցել Մանկական եվրատեսիլին և հայտ է ուղարկել Հանրային հեռուստաընկերություն: Նրա երգը կոչվում է «Մամա»: Այն հարցին, թե ինչը ստիպեց նրան կատարել երգ մայրիկի մասին, Էլենը իրեն բնորոշ անկեղծությամբ ասաց.
-Սկզբում Մամայի մասին երգել չէի ուզում...
Պատասխանն իսկապես զարմացրեց ինձ: Երբ հարցրեցի չուզենալու պատճառը, նա ասաց.
_Աշխարհում շատ բալիկներ կան, որ մամա չունեն, վախենում էի տխրեցնել, բայց հետո հասկացա, որ երկրի վրա ամենասուրբ Էակները մեր մայրերն են ու պետք է երգել նրանց մասին միշտ:
10 ամյա փոքրիկի պատասխանը ստիպեց խորհել շատ բաների մասին....
Հաջողություն ենք մաղթում նրան ու մաղթում հաղթանակներ ողջ կյանքում: