ՊԱՏԺԻՑ ԱՆՄԱՍՆ ՉԵՆ ՄՆԱ ՆԱԵՎ ՀՀ ՄՇԱԿՈՒՅԹԻ ԵՎ ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅՈՒՆՆԵՐԻ ՊԱՏԱՍԽԱՆԱՏՈՒՆԵՐԸ
Եթե իհարկե Հովիկ Աբրահամյանի հայտարարությունները կոռուպցիայի դեմ պայքարի շոուի 15 միլիոնին չեն միտված:
Խոսքը վերաբերում է ՀՀ կառավարության 09.09.2004թ. համար 1270-Ն որոշմամբ պատմության և մշակույթի անշարժ հուշարձանների Գյումրի քաղաքի պետական ցուցակի 2-րդ համարում գտնվող 19-րդ դարի կառույց հանդիսացող ՍԵՎ ԲԵՐԴ ամրոցին:
Սամվել Բալասանյանը մի կողմից դառնալով ամրոցի սեփականատեր, մյուս կողմից լինելով Գյումրի համայնքի ղեկավար կատարել է պաշտոնեական կեղծիք` կեղծելով շինարարության թույլտվությունը: Հուշարձանի գործառնական նշանակությունը չկարողանալով փոփոխել ՀՀ կառավարության որոշմամբ (որն օրենքը թույլ էլ չէր տա) զբաղվել է ինքնիրավչությամբ` պետական և հասարակական շահերին պատճառելով խոշոր վնաս: Պաշտոնեական լիազորությունները չարաշահելով հանրապետական նշանակության ռազմական հուշարձանը ենթարկել է շինանարական կոպտագույն միջամտությունների:
ՀՀ մշակույթի և քաղաքաշինության նախարարությունները այլևս աղարտված հուշարձանի «ավարտական ակտից» հետո միայն տվել են իրենց «համաձայնությունները» ` քաջ գիտենալով, որ սույն համաձայնությունները առոչինչ են եթե չկա կառավարության որոշում:
Քանի միլիոն դոլար է ծախսվել ռազմական նշանակություն ունեցող ԲԵՐԴԸ մոթելի վերածելուն` պղծելով շուրջ վեց դամբարան, թող որոշեն ֆինանսական և իրավապահ մարմինները:
Արդարության առաջ չմեղանչելու համար ասենք, որ Բալասանյան ընտանիքը, որպես բարեգործ մի օգտագործված միկրոավտոբուս ուղարկեց Արցախ…
Հ. Գ. տեղեկատվության ազատության մասին ՀՀ օրենքի դրույթներին համապատասխան բազմիցս դիմել եմ համայնքի ղեկավարությանը և պատասխան չեմ ստացել, այն դեպքում երբ իմ կողմից պահանջվող փաստաթղթերը ամրոցի վերաբերյալ օրենքով նախատեսված որևէ գաղտնիություն չեն պարունակում:
Հասմիկ Մելքոնյան
Գյումրի