Հայաստանում հարսը հարսանիքի վերջում փախել է
Արտակարգ դեպք է գրանցվել Հայաստանում նոյեմբերի 24-ին։ NEWS.am-ի տեղեկություններով` հարսանիքի վերջում` տորթը կտրելու ժամանակ, հարսն ու հարսնաքույրը փախել են` իրենց հետ տանելով նվերներն ու ոսկեղենը։
Դեպքը տեղի է ունեցել Սևանի "Հարսնաքար" համալիրում։ Կայքի տեղեկություններով` սկեսուրը նկատել է փախուստի դիմող հարսին, փորձել է կանգնեցնել նրան, հարսը հրել է նրան, նստել մեքենան ու փախել։
Նշենք, որ մինչև հարսանիքի օրը զույգը պսակադրվել էր եկեղեցում։
Կայքի տեղեկություններով հարսն էլ, փեսան էլ Տավուշի մարզից էին։ Հարսը Երևանի սուպերմակետներից մեկում մենեջեր է աշխատում։