Durun lütfen yüklemiyor...

Makaleler

Մեկս մյուսին պետք ենք ապրելու համար.Սիլվի Տիգրանյան

22:04, perşembe, 17 mayıs, 2018
Մեկս մյուսին պետք ենք ապրելու համար.Սիլվի Տիգրանյան
     Մարդկանց ներաշխարհ թափանցելը հեշտ չէ, բայց լրագրող Սիլվի Տիգրանյանը երկար ժամանակ Է, ինչ մեկնարկել է իր հարցազրույցների շարքը և այդ կերպ բացահայտում է մարդկանց: Այժմ Սիլվիին բացահայտելու ժամանակն է իր իսկ հեղինակային հարցերով: Կներկայացնենք Սիլվի Տիգրանյանին հենց այն կողմից, որից սովորաբար ինքն է բացահայտումներ անում:
     Օրը սկսում եմ...
     -Մի կերպ արթնանալով:
    
     Կյանքը ձանձրալի կլիներ...
     -Կյանքը ձանձրալի կլիներ, եթե նրա գույներում չլիներ նաև սևի երանգները:
    
     Իմ սիրելի հեղինակը
     -Պարույր Սևակ
    
     Թեյ թե՞ սուրճ
     -Սուրճ ըմպում եմ, երբ թարմանալու կարիք եմ զգում, թեյ վայելում եմ միշտ:
    
     Ի՞նչ չեք ուտի երբեք, որքան էլ քաղցած լինեք:
     -Այնպիսի ուտեստ, որում գերակշռում է սոխը:
    
     Հայաստանն ու ես...
     -Կապված ենք ամուր և մեկս մյուսին պետք ենք ապրելու համար: Հայաստանն արյունն է իմ երակներով հոսող, ես` նրա ամենափոքր բջիջներից մեկը:
    
     Կապրեի այնտեղ, որտեղ...
     -Մեզ նման թավշյա հեղափոխություն կկարողանան անել (ժպտում է)
    
     Ասա ինձ չես կարող...
     -...Եվ ես կժպտամ քեզ, արդեն կարողանալուց հետո` որպես շնորհակալություն ինձ ավելի ուժեղացնելու համար: (ժպտում է)
    
     Իմ առաջին բջջային հեռախոսը
     -Siemens, մոդելը չեմ հիշում (ծիծաղում է)
    
     Ի՞նչ երբեք չեք ցանկանա, որ նվիրեն Ձեզ:
     -Բարդ է: Առհասարակ նվերներ սիրում եմ, հատկապես, երբ սրտանց է լինում: Երբեք չեմ ցանկանա ինչ-որ բան նվիրեն, սոսկ նվիրելու համար:
    
     Ո՞ւմ հետ այս պահին սուրճ կխմեիք:
     -Նրա, ով այս պահին ինձ բացահայտում է տարբեր տեսանկյուններից (ժպտում է): Ձեզ հետ, սիրելիս:
    
     Կսիրահարվեմ նրան, եթե...
     -Եթե ինչ-որ պահի աշխարհս սահմանափակվի նրանով:
    
     Պատուհանից այն կողմ...
     -Պատուհանից այն կողմ` Բարձրյալի սիրո արտացոլանքն է:
    
     Հեղափոխությունը...
     -Հեղափոխությունը մեզ սովորեցրեց շնչել, հասկացրեց, որ աշխարհը ծուռ չէ, իսկ աշխարհին ևս մեկ անգամ հիշեցրեց լեռնային մի փոքրիկ երկրի անպարտելի ժողովրդի մասին:
    
     Ես Սիլվի Տիգրանյանն եմ...
     -Հուսով եմ Քեզ ժպտացրեց իմ հարցազրույցը և չփոշմանեցիր ինձ տրամադրած րոպեներիդ համար (ժպտում է):
Bu gönderiyi tanıtın
Makaleyi yayınlamağı hakkında bilgiler veriyoruz Basın sekreteri. Basın sekreteri projenin içinde.
Abone ol ve malalelerin yayınla:
Beğenmek
1
Beğenmemek
0
6213 | 0 | 0
Facebook