Durun lütfen yüklemiyor...

Makaleler

Մոռացում

18:57, cuma, 18 ağustos, 2017
Մոռացում
    
    

Մոռացումը՝

մի մե՜ծ դույլ մոխիր,

որ ժամանակի՜ կամ էլ խե՛նթ քամու

բութ քայլափոխին,

տարածության մեջ

ցրվո՜ւմ է,

կորո՜ւմ…քեզ թողնում մենակ…


    

Ասե՜ս կորցնո՜ւմ ես ցնորք ուղեկցիդ

ու վերափոխվում ես

դառնում մի հենակ,

Հենակ խոհերի՜

մտքի՜ կամ

հիշողությա՜ն…


    

Ու ծա՛փ է տալիս հոգնած թթենին,

ճյուղերն իր կոտրում -

հանուն հաշտության

քո և կորստի:


    

… Հաշտվո՜ւմ ես ստիպված,

որ արևն արդե՜ն էլ ծիծաղ չունի՜,


    

Խոսքը քեզ ուղղված

բլո՛ւր է ճաղատ

անձրևների տակ,


    

Ստիպված հանձնվո՜ւմ ես

կյանքի քմայքին

ու իրիկնանո՜ւմ է օրն անհարազատ…


    

Ու օրը մենա՜կ,

ու հոգին մենա՜կ,

ու շագանակագույն մի սարսո՜ւռ թևած,


    

Հանգչո՜ւմ են կապույտ երազանքնե՜րդ

մոռացումի տակ …


    

18.08.17 Երևան


    
Bu gönderiyi tanıtın
Makaleyi yayınlamağı hakkında bilgiler veriyoruz Basın sekreteri. Basın sekreteri projenin içinde.
Abone ol ve malalelerin yayınla:
Beğenmek
1
Beğenmemek
0
7642 | 0 | 0
Facebook