Идет загрузка...
Сегодня:  Четверг, 20 Июня, 2024 года

Статьи

ԵՊԲՀ-ին շնորհվել է ինստիտուցիոնալ հավատարմագրում 6 տարով, Կառավարման ակադեմիային և Վարդենիսի բժշկա-հումանիտար քոլեջին՝ 2 տարով

12:04, Пятница, 25 Декабря, 2020 года
ԵՊԲՀ-ին շնորհվել է ինստիտուցիոնալ հավատարմագրում 6 տարով, Կառավարման ակադեմիային և Վարդենիսի բժշկա-հումանիտար քոլեջին՝ 2 տարով

Դեկտեմբերի 24-ին տեղի ունեցավ Մասնագիտական կրթության որակի ապահովման ազգային կենտրոնի (ՈԱԱԿ) Հավատարմագրման հանձնաժողովի նիստ։
    
    

Օրակարգում Երևանի Մ. Հերացու անվան պետական բժշկական համալսարանի, ՀՀ Պետական կառավարման ակադեմիայի և Վարդենիսի բժշկա-հումանիտար քոլեջի հավատարմագրման հարցերն էին։
    
    

Հավատարմագրման հանձնաժողովի անդամները մանրակրկիտ քննարկեցին ԵՊԲՀ-ում, ՀՀ ՊԿԱ-ում և Վարդենիսի բժշկա-հումանիտար քոլեջում արտաքին գնահատում իրականացրած փորձագիտական խմբերի զեկույցները, բացասական գնահատված չափանիշների տիրույթներում արձանագրված խնդիրները։ Անդրադարձ կատարվեց նաև մասնագիտական ուսումնական հաստատությունների (ՄՈՒՀ) բարելավման ծրագրին և դրանց իրատեսականությանը։ Յուրաքանչյուր ՄՈՒՀ-ի վերաբերյալ քննարկումից հետո տեղի ունեցավ քվեարկություն։
    
    

Հանձնաժողովի անդամների որոշմամբ ԵՊԲՀ-ին շնորհվեց ինստիտուցիոնալ հավատարմագրում 6 տարի ժամկետով, ՀՀ ՊԿԱ-ին և Վարդենիսի բժշկա-հումանիտար քոլեջին ՝ պայմանական ինստիտուցիոնալ հավատարմագրում 2 տարի ժամկետով։
    
    

Նշենք, որ ԵՊԲՀ-ն և ՀՀ ՊԿԱ-ն 2015-ին ստացել էին ինստիտուցիոնալ հավատարմագրում 4 տարի ժամկետով։ Իսկ Վարդենիսի բժշկա-հումանիտար քոլեջը ՀՀ-ում ինստիտուցիոնալ հավատարմագրում ստացած առաջին քոլեջն է։

Источник: www.anqa.am
Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
3118 | 0 | 0
Facebook