Մասնագիտական կրթության որակի ապահովման ազգային կենտրոնը (ՈԱԱԿ) իր լեհ գործընկերների հետ կազմակերպում է ուսուցման և ուսումնառության արդյունավետ մեթոդներին նվիրված առցանց դասընթաց։
Դասընթացի շրջանակներում միջազգային փորձագետները կներկայացնեն, թե
· որոնք են կրթության ոլորտում հաճախ հանդիպող առասպելները և ինչպես բացահայտել դրանք,
· ինչպես է նորը յուրացնում մարդու ուղեղը և հետևաբար ինչպես պետք է իրականացվի արդյունավետ ուսուցումը,
· արդյունավետ ուսուցման օրինակներով հիմնավորված ինչ սկզբունքներ կան,
· ինչն է մոտիվացնում ուսանողներին,
· ինչպես գնահատումը կիրառել որպես ուսանողին մոտիվացնելու և արդյունավետ հետադարձ կապ ապահովելու գործիք,
· որոնք են գործիքները, որոնք ձևավորում են չափելի մոտեցումներ կրթության ոլորտում։
Դասընթացը նախատեսված է բարձրագույն և միջին մասնագիտական ուսումնական հաստատությունների աշխատակիցների, ինչպես նաև թեմայով հետաքրքրված մասնագետների համար։
Դասընթացի թեման՝ Ուսուցման և ուսումնառության արդյունավետ մեթոդներ
Տևողությունը՝ 120 րոպե
Լեզուն՝ անգլերեն
Դասընթացի օրը՝ դեկտեմբերի 2
Դասընթացավարներ՝ ԵԽ փորձագետ, Կրթության և վերապատրաստումների գնահատման խորհրդի (ETEC) և Համաշխարհային բանկի խորհրդատու, Evidence ինստիտուտի հետազոտության գծով տնօրեն, Վարշավայի համալսարանի դոցենտ, տնտեսագիտության թեկնածու Թոմաս Գաջերովիչ և Կրթության և վերապատրաստումների գնահատման խորհրդի (ETEC) միջազգային գնահատումների փորձագետ, Համաշխարհային բանկի, Եվրոպական խորհրդի, ՄԱԿ-ի զարգացման ծրագրի, ՅՈՒՆԵՍԿՕ-ի խորհրդական, Evidence ինստիտուտի հիմնադիր, Վարշավայի համալսարանի դոցենտ, տնտեսագիտության թեկնածու Մաչեյ Ջաբուկովսի,
Մասնակցությունը՝ անվճար, սակայն նախնական գրանցմամբ,
Գրանցման վերջնաժամկետը՝ նոյեմբերի 29,
Գրանցման մարնամասները՝ հղման ներքո։
https://bit.ly/3l6wuq0
Դասընթացի ժամի և առցանց հարթակի մուտքային տվյալների մասին գրանցված մասնակիցները լրացուցիչ կտեղեկացվեն։
