Կոտայքի մարզի Ջրվեժ խոշորացված համայնքի Ձորաղբյուր բնակավայրում պետական բյուջեի աջակցության շնորհիվ իրականացվում են խմելու ջրագծերի կառուցման աշխատանքները:
Կառավարության 27.09.2018թ.-ի N 1073–Ն որոշմամբ հաստատված սուբվենցիոն ծրագրերի առաջնահերթ լուծում պահանջող հիմնախնդիրների լուծման նպատակով պետական բյուջեից բնակավայրին հատկացվել է 16. 700 000 դրամ աջակցություն. ևս 24 000.000 դրամի չափով համաֆինանսավորել է Ջրվեժ համայնքը: Պայմանագրի ընդհանուր արժեքը 40 700 000 դրամ է:
Ծրագրի այս փուլում Ձորաղբյուրում իրականացվում են ասֆալտի կտրման, քանդման, հողաշինարարական աշխատանքները, որից հետո 2, 5 կմ խողովակաշար է անցկացվելու: Արդյունքում բնակավայրում խմելու գրագծերի ցանցի մի մասը կարդիականացվի. այն կսպասարկի ավելի քան 250 տնտեսության:
Բնակավայրում տարիներ շարունակ խմելու ջրի ցանցը մաշված է եղել: Նախատեսվում է աստիճանաբար ամբողջ ցանցն արդիականացնել և Ձորաղբյուրում վերջնականապես լուծել խմելու ջրի խնդիրը:
http://kotayk.mtad.am/news/item
