Articles

ՍԵՅՐԱՆ ՄԱԼԽԱՍՅԱՆ

Author:
Armenak Avetisyan

10:53, Friday, 03 November, 2017

ՊԱՏԱՀԵԼ Է
     Պատահել է, որ ես առանց հույսի մնամ,
     Առանց լույսի մնամ, մնամ անտես.
     Հողմահալած` անվարժ արագիլի նման,
     Անունկնդիր` հեռու աստղերի պես:

Պատահել է, որ խուլ կարոտների ճահճում
     Անտես, անօգ, անհույս խեղդվել եմ ես
     Ու նկատել մի օր, որ ինձ չեն ճանաչում`
     Լքել են ինձ հույզերն իմ հրակեզ:

Պատահել է, որ մի քնքուշ ծաղկի համար`
     Անտեսելով ցավեր, անձրև ու մութ,
     Մագլցել եմ քերծեր, անհաս ծերպեր ու քար,
     Բայց այն դուրս է նետվել լուռ ու անփույթ...

Մեզ մեր հոգու գույնը ավանդվում է վերուստ,
     Լինի տանելի, թե անտանելի...
     Եվ մարդկային կյանքը դրանով է հարուստ`
     Տվայտանքով Եկող, ցավերով Հին:

Ս.Մալխասյան 2007

Promote this post

The article published in the Spokesperson project.
Sign up and publish your articles.

Like

1

Dislike

0