Articles

    
    
    
    
    
    
    
    
    
    
     Թող ապրեմ
    
     Թող ապրեմ կողքիդ կարճատև խենթություն,

Մի կարճ կյանք տևող գժություն.

Թող կարոտիդ գույներով ներկեմ իմ ծիածանը

Ու ջնջեմ իմ երկնքից այն շատ սովորական

Միապաղաղ յոթ գույնը:

Գարնանը շտապած ձնծաղիկի պես

Թող շողերովդ ջերմանամ,

Ապրելով մեռնեմ ու նորից ծնվեմ,

Միայն թե հանկարծ անգութ սպիտակի գերին

Ես դարձյալ չմնամ:

Թող գողանամ շնչիդ մի թրթիռն ու

Հյուսեմ իմ սրտի մեղեդին.

Միօրինակ է դարձել միշտ միևնույն դո, ռե, մի-ն:

Թող որ լինեմ վայրկյանը կամ թեկուզ ակնթարթը,

Այն մի քիչը, գուցե և ոչինչը,

Բայց գոնե քոնը: