Հիվանդ ատամները մարդու կյանքում կարող են թողնել լուրջ հետևանքներ: Գերմանացի գիտնականները պարզել են, որ շուրջ 80 հիվանդությունների պատճառ կարող են դառնալ ատամների և լնդերի ինֆեկցիոն օջախները:
Դրանցից են ռևմատիզմը, երիկամների ներզատիչ գեղձերի, աչքերի, ականջների հիվանդությունները և այլն:
«Ինֆեկցիոն օջախը կարող է նաև ծանրացնել հիվանդության ընթացքը: Օրինակ ստամոքսի խոցով հիվանդների 98 տոկոսի մոտբորբոքված են լնդերը», - ասում է բժշկուհի Քնարիկ Հայրապետյանը:
Փչացած ատամներում գտնվող մանրեները արտադրում են թույներ, դրանք ազդում են այլ օրգանների առողջության վրա:
Այնպես, որ չպետք է անտարբերության մատնել ատամի փոքրիկ սևացած մասերը:
«Հնարավորության դեպքում ամպայման դիմել ատամնաբույժի, հետագա բարդություններից զերծ մնալու համար», - ասում է բժշկուհին:
Հին Արևելքի բժիշկներն ասում էին, որ ատամը լուսատու է, այն կորցնելուց հետո հանդիպում ես մթնշաղին:
