Articles

     Հոկտեմբերի 6-ին տոնական տրամադրություն էր համակել Արարատի մարզի Արևշատի միջն. դպրոցի աշակերտներին, ուսուցիչներին և ծնողներին: Դպրոցում գեղեցիկ միջոցառում էին կազմակերպել դպրոցի ՄԿԱ գծովփոխտնօրեն Լուսինե Ավետիսյանը, ուսուցչուհի Մերի Գալստյանը և երգի ուսուցչուհի Օվսաննա Բաբայանը: Այդ հրաշալի օրը աշակերտները իրենց սրտահունչ խոսքով, ամոթխած, բայց խոսուն հայացքներով շնորհավորում էին ուսուցիչներին ՝ իրենց տոնի կապակցությամբ, նվիրելով գեղեցիկ երգեր և բանաստեղծություններ: Տնօրեն Սուսաննա Դավթյանը իր բարձր գնահատականով խրախուսեց միջոցառման մասնակիցներին և կազմակերպիչներին, արտահայտելով ուսուցիչների ջերմ սերը աշակերտների նկատմամբ: Շնորհավորեց բոլոր ուսուցիչներին մաղթելով նրանց ազգանվեր աշխատանքում անբասիր ուժ և եռանդ, չմոռանալով ընգծել, որ իրենց շնորհավորական ուղերձն է ուղել Արարատի մարզպետ Ռ. Աբրահամյանը: