Արդյո՞ք Սիրուշոն է այս տարի մեկնելու Եվրատեսիլ
Ողջույն, սիրելի՛ ընթերցող:Նախ նշեմ, որ սա իմ առաջին գրառումն է այս կայքում, և հուսով եմ ՝ շատ խիստ չես դատի:Չնայած դա ամենաքիչն է, որ ինձ հետաքրքրում է հիմա, ես ավելի շատ ուզում եմ քեզ ներկայացնել, այն հանգամանքները, որոնց հիման վրա ես ինձ համար առանձնացրել եմ նաև Սիրուշոյի թեկնածությունը: Համոզված եմ ՝ ինքդ էլ նկատել ես Սիրուշոյի՝ վերջին շրջանի ակտիվությունը (ինչը, անկախ ամեն ինչից, անչափ հաճելի է երկրպագուների կամ պարզապես գնահատողների համար):Վերջերս հեռուստադիտողի դատին հանձնվեցին նրա «ՊռեԳոմեշ» երգն ու տեսահոլովակը, որոնք մեծ մասամբ արժանացան դրական կարծիքների՝ բնականաբար բացասական կարծիքների հետ համեմատության մեջ:Այնուհետ նա սկսեց մասնակցել մի քանի հեռուստատեսային հարցազրույցների, ինչին կարոտ էինք արդեն մի քանի տարի:Նրանցից մեկի ժամանակ Սիրուշոն նշում է, որ ունի մեծ ծրագրեր այս տարվա հետ կապված. -Հայաստանու՞մ, -հարցրեց հաղորդավարը: -Նաև Հայաստանում, -ժպիտով պատասխանեց Սիրուշոն: Նույնիսկ խոսակցություններ կան, թե նա մասնակցելու է հենց «ՊռեԳոմեշ» երգով:Երգի բառերի հեղինակ Ավետ Բարսեղյանը հարցազրույցներից մեկում նշել է, թե Սիրուշոյի հետ չեն խոսել Եվրատեսիլից, բայց չի հերքել, որ դա հնարավոր է: Ամեն ինչ ծայրահեղ աստիճանի գաղտնի է այս տարի, միայն իմացանք, որ այս տարի կատարվելու է ներքին ընտրություն Հանրային հերուստատեսության համապատասխան անձնակազմի կողմից (ինչպես 2006-ին և 2008-ին): Վերջերս հայկական երաժշտական հեռուստաալիքի մրցանակաբաշխության ժամանակ, որտեղ լավագույններին որոշում են շոու-բիզնեսի ներկայացուցիչները, Գոհար Գասպարյանը, ով 2006 թ.-ից առ այսօր «Եվրատեսիլ» և «Մանկական եվրատեսիլ» երգի մրցույթների մեկնաբանն է, 2010 թ.-ից` «Եվրատեսիլ»-ի հայկական պատվիրակության ղեկավար, տարվա լավագույն երգչուհի անվանակարգում իր ձայնը տվեց Սիրուշոյին: «Բանաձևի» եթերում Սիրուշոն չբացառեց իր մասնակցությունը, Ա.Ալեքսանյանն ամփոփելով ժպիտով ասաց. |