Articles

     "Նոր պոռնոսկանդալ հայկական շոու-բիզնեսում. Անի Երանյան" վերնագրի ներքո կայքերից մեկն այսօր հետեւյալ ինֆորմացիան է տարածել. "Դեռ նոր էր մարել Անժելա Սարգսյանի` համացանցում տարածված պոռոնգրաֆիկ բնույթի նկարների առաջացրած աղմուկը, երբ հայտնի դարձավ, որ այժմ հասունանում է նոր պոռնոսկանդալ, որի հերոսուհին այս անգամ "Աննա" հեռուստասերիալից եւ "Պահանջվում է միլիոնատեր" կատակերգական ֆիլմից հայտնի երիտասարդ դերասանուհի Անի Երանյանն է:
    
     Դերասանուհու մասնակցությամբ բացահայտ սեռական ակտ պարունակող տեսաերիզը եւ պոռնոգրաֆիկ բնույթի լուսանկարները հայտնվել են համացանցում եւ սպառնում են իրենց առաջացրած աժիոտաժով մթագնել անգամ Անժելա Սարգսյանի նկարների առաջացրած աղմուկը":
     BRAVO.am-ը լուրը ճշտելու համար քիչ առաջ խոսել է "Աննա" սերիալի ռեժիսոր Ելենա Արշակյանի հետ, ում պատասխանը ներկայացնում ենք ամբողջությամբ. "Այդ տեսահոլովակում, ինչ-որ նկարներում Անի Երանյանը չի: Անի Երանյանին ճանաչող մարդիկ, դրանք տեսնելով, միանշանակ կասեն, որ ինքը չի: Չգիտեմ` ով է այդ անձնավորությունը, որ զրպարտություն է տարածում Անի Երանյանի անվան շուրջ":
    
     "Անի Երանյանն այդ մարդը չի. նա մեր սերիալի լավագույն դերասաններից ու լավագույն մարդկանցից մեկն է, որն իրեն լավագույնս է դրսեւորում", -նշել է Ելենա Արշակյանը:
    
     BRAVO.am-ի հարցին, թե Անի Երանյանը կամ հենց ինքը` "Աննա" սերիալի ռեժիսորը, տեսել են տարածված տեսանյութն ու լուսանկարները, Ելենա Արշակյանը հետեւյալն է պատասխանել. "Որպես այդպիսին, լուսանկարներ չկան. կարճ տեսահոլովակ է, որտեղ ընդամենը Անի Երանյանին նման մի աղջիկ է": հաջորդ հարցին` ո՞վ է տարածել պոռնոգրաֆիկ բնույթի հոլովակն ու լուսանկարները, եւ ի՞նչ քայլեր են ձեռնարկել, Ելենա Արշակյանը պատասխանել է. "Չգիտեմ` ով է տարածել, բայց պրոդյուսեր Արթուր Ապրեսովը զբաղվում է այդ հարցերով: Շուտով քրեական գործ կհարուցվի, եւ տեսահոլովակը տարածողները կպատժվեն օրենքի ողջ խստությամբ, որովհետեւ դա ընդամենը բամբասանք է Անի Երանյանի անվան շուրջ":
    
     BRAVO.am-ը նաեւ տեղեկացել է, որ վերոնշյալ հոլովակի շուրջ աղմուկն իրականում վաղուց է բարձրացել, եւ Անին էլ, աղջկա հարազատներն էլ միջադեպին նորմալ են վերաբերվում: "Նրանք հասկացել են, որ Անին չի: Ինչքան տեղյակ եմ, վաղուցվա պատմություն է", - ասել է Ելենա Արշակյանը:
    
     "Աննա" սերիալի ռեժիսորը մեզ հետ զրույցում նշել է նաեւ, որ "Անի Երանյանն ընկճված չէ, շարունակում է նկարահանվել "Աննա" հեռուստասերիալում, իսկ նկարահանումները շարունակվելու են մինչեւ սերիալի ավարտը":Վերջերս իր անվան շուրջ պտտվող "սկանդալի" մասին Անի Երանյանը BRAVO.am-ին հետեւյալն է ասել. "Իմ մեջ որեւէ փոփոխություն չկա: Այդ ամենի վրա միայն ծիծաղում եմ, վատ ազդեցություն չէր կարող թողնել: Բացահայտումը գործընթացի մեջ է, դեռ հստակ որեւէ բան չեմ կարող ասել":