Articles

Չեչնիայի ղեկավար, Գրոնզիի «Թերեկի» պատվավոր նախագահ Ռամզան Կադիրովը գլխուղեղի քաղցկեղով հիվանդ հայ ֆուտբոլիստ Գրիշա Սիմոնյանի վիարահատության բոլոր ծախսերն իր վրա է վերցրել: Այդ մասին Կադիրովը գրել է Instagram-ի իր էջում՝ խնդրելով դադարեցնել 19-ամյա ֆուտբոլիստի բուժման համար դրամահավաքը: Չեչնիայի ղեկավարը հայտնել է, որ ապաքինվելուց հետո Սիմոնյանը հանդես կգա «Թերեկում», որը կվճարի երիտասարդ ֆուտբոլիստի բուժման բոլոր ծախսերը:

Ավելի վաղ «Նարնջագույն երկինք» բարեգործական հիմնադրամը եւ Championat.com-ը դրամահավաք էին սկսել Սիմոնյանի վիրահատության համար։ Այդ վիրահատության համար հարկավոր է 5 միլիոն ռուբլի: Մոտ 1.5 ամսում հավաքվել էր 3 միլիոն 333 հազար ռուբլի: