Սա մի հուզիչ պատմություն այն մեծ սրտի մասին, որ ստիպեց աշխարհին մի պահ կանգ առնել... Ռեյչել Բեքվիթը՝ իննամյա այս փոքրիկը Սիեթլ քաղաքից, փրկել է տասնյակ հազարավոր մադկանց կյանքեր...
Մի անգամ Ռեյչելը իր մայրիկի հետ միասին մասնակցում է մի բարեգործական միջոցառման, որտեղ բավականին հուզիչ փաստ է արձանագրում իր համար. օրական 4500 երեխա է մահանում ջրի պակասից. նույնն է թե 10 մեծ ինքնաթիռ, երեխաներով լի ամեն օր ավիավթարի ենթարկվի:
Միջոցառումից հետո Ռեյչելը մայրիկի օգնությամբ բարեգործական կայքերից մեկում բացում է հաշվեհամար, որտեղ իր ծանոթներից խնդրում է իր ծննդյան նվերի համար հատկացված գումարը տրամադրել այն երեխաներին, որոնք որդերով ու միջատներով լի ճահիճներից են ջուր խմում: Աղջիկը խնդրում է հավաքել ընդամենը 300$, սակայն հույսերը չեն արդարանում. ընդամենը 11$. Ռեյչելը հիասթափած է, հաշվեհամարը՝ փակված:
Օրեր անց Սիեթլ քաղաքում միմյանց են բախվում 20 մեքենա. տասնյակ մարդկանց հաջողվում է կենդանի մնալ, իսկ փոքրիկ Ռեյչելին չի հաջողվում փրկել:
Աղջկա աղետալի մահից հետո մայրը գտնում է Սքոթ Հարրիսին, ում ելույթից աղդված է Ռեյչելը որոշել բացել իր բարեգործական էջը, և խնդրում վերաբացել բարեգործական կայքի հաշվեհամարը: Արդյունքները իրենց սպասել չեն տալիս. հավաքվում է 1.200.000$. այդ գումարով հաջողվում է փրկել 60.000 փոքրիկի կյանք:
Այս յուրահատուկ աղջնակի բարի սրտի մասին հայտնի է ամբողջ աշխարհին. մայրը պատմում է, որ նա ժամանակին կտրել է իր երկար մազերը և կեղծամը նվիրել քաղցկեղով տառապող մի երեխայի, իսկ մահվանից հետո փոքրիկի օրգանները փրկել են մեկ այլ մարդու կյանք...
