Ռեֆորմիստների կուսակցության նախագահ Վահան Բաբայանն իր ֆեյսբուքյան էջում գրում է. «Միֆ երկրորդ` 800 հեկտար
Ապրիլյան պատերազմից հետո, հատկպես 2018թ իշխանափոխությունից հետո լայնորեն տարածում է ստացել նաև այսպես կոչված «800 հեկտարի» միֆը:
Իրենց ռազմական փորձագետ համարող յուրաքանչյուր տնայնագործ ստրատեգ իրեն իրավունք է վերապահում երրորդ Նախագահ Սերժ Սարգսյանին մեղադրել 800 հեկտար հող հանձնելու մեջ: Փաստորեն, որ նույն Սերժ Սարգսյանի հրամանատարությամբ կանխվեց Արցախի նվաճումը և կոտորածը, որ կանխվեց խաղաղ բնակչության բնաջնջումը և բնակավայրերի հանձնումը թշնամուն դա չի ասվում, իսկ այսպես կոչված 800 հեկտար կորուստը դարձել է այսօրվա իշխանիկների քարոզչական օրգանիզմների հիմնական թեման:
Սա՞է մեր մոտեցումը ապրիլյան հաղթանակի հանդեպ: Այո հաղթանակի, քանի որ թշնամին չի հասել իր նպատակին և՜ Արցախը և՜ հարակից ազատագրված տարածքները մինչ օրս մերն են ոչ թե թշնամունը:
Այլ կարծիք լինել չի էլ կարող ուղակի միֆերը լավ են մատուցվել և մատուցվում:
Սերժ Սարգսյանի խոսքերը կոտրեցին նաև այս միֆը, Նախագահը ասում է «Անկեղծորեն պետք է խոստովանեմ, որ դրա համար չեմ ափսոսում: Այո, ես ասել եմ ավելի մեծ թիվ, քան իրականությունն է: Ես ինչո՞ւ եմ այդպես ասել: Եթե հիշում եք, մարտական գործողությունների օրերին, այսպես ասած, մերոնցից շատերն օգտվում էին ադրբեջանական լրատվամիջոցներից և խոսում էին այն մասին, որ Թալիշը գրավել են ադրբեջանցիները: Նրանք արդեն Մատաղիսում են և այլն: Իսկ մարտական գործողություններից հետո տարբեր թվեր էին ասում` 5000 հա, 50 ք/կմ և այլն: Նույնիսկ ոմանք ինչ-որ նկարահանումներ էին ցուցադրում, ինչ-որ հաշվարկներ էին անում, և դրանից հետո էլ նրանք գնացել են, փորձել են չափել և տեսել են, որ իմ ասածը շատ ավելին է, քան իրականության մեջ մենք կորցրել ենք: Եթե ուզում եք իրականությունն իմանալ՝ սանտիմետր առ սանտիմետր, ապա դա 400 հեկտարից էլ քիչ էր»
