Խնդրում ենք սպասել...
COMMENT.am
Այսօր`  հինգշաբթի, 18 հուլիսի, 2019 թ.

Հոդվածներ

Գիտե՞ք արդյոք. «Նեյլոնը՝ հաղթանակի ճիչ», կամ այն մասին, թե ինչ է նշանակում «նեյլոն» (անգլերեն՝ nylon) բառը

21:25, շաբաթ, 29 հունիսի, 2019 թ.
Գիտե՞ք արդյոք. «Նեյլոնը՝ հաղթանակի ճիչ», կամ այն մասին, թե ինչ է նշանակում «նեյլոն» (անգլերեն՝ nylon) բառը

«Նեյլոն» անունն ստացած նյութը ծնունդ է առել Երկրորդ աշխարհամարտից մի քանի տարի առաջ: «66 – մոնոպոլիմեր» -ի սինթեզն առաջին անգամ կատարել է ամերիկացի քիմիկոս Ուոլես Հյում Կարոթերսը՝ «ԴյուՊոն» ընկերության հետազոտական լաբորատորիայի գլխավոր քիմիկոսը, 1935 թվականին: Երկրի հասարակությանը հայտնագործության մասին տեղեկացրել են 1938 թվականի հոկտեմբերի 27-ին: Արդեն այդ ժամանակաշրջանում ամերիկացիները տնտեսական կատաղի պատերազմ էին ծավալել ճապոնացիների դեմ, ու երբ կատարվում է այդ հայտնագործությունը, գիտնականներըմիանգամից կռահում են, թե այն իրենց երկրին տեխնիկական որքան մեծ առավելություն է տալու ճապոնացիների նկատմամբ:

Ահա թե ինչու այդ հրաշք նյութի ստեղծողներից մեկը ոգևորությամբ բացականչում է. "Now you loose old nipponese!" («Հիմա դու տանո՛ւլ ես տալու, ծե՛ր ճապոնացի»), և քանի որ նյութին անուն տալու դժվարություն էր ծագել, հենց տեղում որոշվում է այդ բացականչության տառային հապավում կատարել ու նյութի անունը N.Y.L.O.N.-ն դնել:

Նյութի այս անվան վերաբերյալ մեկ այլ վարկածի համաձայն N.Y.L.O.N.- ը այդ հայտնագործությունը կատարած հինգ գիտնականների կանաց անունների սկզբնատառերի (Nancy, Yvonne, Louella, Olivia և Nina) համախումբ է:

Մեկ այլ վարկած էլ ասում է, թե nylon- բառը Նյու Յորք և Լոնդոն քաղաքների անունները հապավելուց է գոյացել` NY (New York) et LON (London):

Իսկ Դուգլաս Հարպերի բառարանն էլ ասում է, թե nylon-ը թելերի անվանումներում հաճախակի գործածվող nyl նախածանցի և on վերջածանցի միագումարն է, և արվել է այն նպատակով, որպեսզի նաև ներդաշնակի կապրոն, cotton (բամբակ) և համահունչ այլ բառերի հետ:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1257 | 0 | 0
Facebook