Ապրիլի 4-ին Facebook-ի գլխավոր տնօրեն Մարկ Ցուկերբերգը միջոցառման ընթացքում ներկայացրեց ընկերության սեփական արտադրության բջջային: Ցուկերբերգը հայտարարեց, որ Facebook-ը աշխարհի թիվ մեկ սոց.ցանցն է իսկ նրա հավելվածը ամենահայտնին: Սեփական օպերացիոն համակարգը ստեղծելու փոխարեն ընկերությունը որոշեց կենտրոնանալ Android-ի վրա, քանզի այն տարբեր տվյալներով ամենատարածված բջջային օպերացիոն համակարգն է: Գլխավոր էկրանին այժմ երևում են ձեր ընկերների կարգավիճակների փոփոխությունները, ձեզ ուղարկված նամակները, նկարների փոփոխությունները և այլն: Դրանց կարող եք պատասպանել հենց միանգամից գլխավոր էկրանից: Այդ էկրանը կկոչվի Facebook Home: Շփումը ընկերների հետ կարելի է իրականացնել չաթի կամ SMS հաղորդագրությունների միջոցով: Հավելվածը հնարավոր կլինի բեռնել Play Store-ից, բայց դեռևս ոչ հիմա: Գնի առումով հայտնի է, որ այն պայմանագրային հիմքերով ԱՄՆ-ում կարժենա 100 դոլար: Հեռախոսը հնարավոր կլինի առցանց պատվիրել ապրիլի 12-ից:
