Աշուն` ես հմայված եմ քեզանով, ես կախարդված եմ քո երանգներով:
Ես սիրում եմ նույնպես քո տխրագույն երկինքը, քամին, որ բերում է իմ սիրելիի համբույրը իր հետ, և երբ քամին խաղում է նրա մազերի հետ, նա դառնում է ավելի գրավիչ ու հմայիչ:
Ես սիրում եմ մեր սիրո այգին, որտեղ մենք հանդիպեցինք առաջին անգամ...
Ես հիացած նայում էի քո գեղեցիկ աչքերին` որտեղ տեսնում էի իմ արտացոլանքը:
Աշուն` դու գեղեցիկ ես քո անթերի, անհայտ նկարչի կողմից նկարած բազմերանգ գույներով: Աշուն` դու ինձ գերել ես քո բույրով, ամենուրեք զգում եմ նրա բույրը:
Ծառերից թաց տերևների հետ կաթկթում են նույնպես անձրևի կաթիլները, որոնք այնքան նման են սիրո հուզմունքից առաջացած նրա արցունքներին:
Մենք հանդիպեցինք այդ օրը և ես նրան նվիրեցի օդում ճախրող բազմերանգ տերևներից հավաքված մի փունջ: Նա վերցրեց` ժպտաց և համբուրեց ինձ առաջին անգամ:
Ես սիրում եմ քեզ աշուն, դու նրան տվեցիր ինձ, ես ուզում եմ, որ երկարի այս աշունը` իմ սիրո աշունը:
Վախենում եմ աշուն քո անցնելուն պես` կանցնի և նրա սերը, կսառի ձմեռվա պես և մեր սիրո այգին կդատարկվի ու կմնա առանձ մեզ:
